5 մանկական գաղտնիք սկսնակ մայրիկների համար

Մենք բոլորս սիրում ենք բացահայտել կյանքի գաղտնիքները: Մենք դրանց մասին իմանում ենք ենք մեր ընկերներից, ծնողներից, իսկ վերջերս նաև ինտերնետից: Բայց դուք գիտեք, թե ինչն է ամենդժվար գտնել:
Ճիշտ է, երեխաներին մեծացնելու գաղտնիքները:
Մենք իհարկե չենք պատրաստվում ասել Ձեզ, թե ինչպես է պետք դաստիարակել ձեր երեխային, քանի որ բոլոր երեխաները տարբեր են և ունեն տարբեր կարիքներ. մենք պարզապես ձեզ տալիս ենք տեղեկատվություն, որը ձեզ համար կարող է լինել օգտակար: Սկսենք:

ԽՆԴԻՐ 1 – Արդյո՞ք երեխան քաղցած է:

Քաղցած երեխաները ցուցաբերում են ոգևորություն, բացում են բերանը, պտտում են գլուխը և ասես մի բան փնտրում են: Եթե երեխային չեք կերակրել, նա սկսում է ձգվել, ակտիվորեն շարժվել և կարող է ձեռքը դնել բերանը: Հետագա ազդանշանները ներառում է լաց, մարմնի լարված շարժումներ և կարմրած մաշկ: Առաջին հերթին անհրաժեշտ է հանգստացնել երեխային, գրկելով նրան և խոսել նրա հետ, որից հետո միայն կերակրել: Ինչքան արագ դուք նկատեք սովի ազդանշանները, այնքան ավելի հեշտ կլինի գործել:

ԽՆԴԻՐ 2 – Երեխան անընդհատ լաց է լինում, դա կարող է լինել ատամ հանելու հետևանք:

Այո: Մանկական ատամները սկսում են դուրս գալ արդեն հինգերորդ ամսից սկսած, և այն ժամանակ, երբ ձեր երեխան մեկ և կես տարեկան է` կունենա 12 ատամներ: Եթե դուք ուզում եք թեթևացնել ատամ հանելու ցավը` կիրառեք քսուկներ: Պետք է հիշել, որ հիմնականում ատամները սկսում են աճել դիմացից դեպի խորք: Սակայն, մինչև որևէ միջոց ձեռնարկելը, խորհուրդ են տալիս խորհրդակցել մանկաբույժի հետ: Իսկ մինչ այդ մի փոքր մրգի խյուս դնել կտորի մեջ, փաթաթել, սառեցնել այն, և տալ փոքրիկին մի փոքր հանգստանալու համար:

ԽՆԴԻՐ 3 – Փոքրիկը անհանգիստ է, սակայն դուք համոզված չեք արդյոք պատճառը քնի պակասի մեջ է:

1-ամսական երեխան օրական պետք է քնի շուրջ 15 ժամ թե գիշերային և թե ցերեկայնին ժամերին: Միևնույն ժամանակ 6 ամսական երեխան պետք քնի 14 ժամ, որից առնվազն 11 ժամը` գիշերը: Ժամանակի ընթացքում, ցերեկային քնի տևողությունը նվազում է, իսկ գիշերային քունը մնում մոտավորապես նույնը: Վերջապես, 2- 3-տարեկանների մոտ գիշերվա քունը պետք է կազմի 10 – ից 11 ժամ, իսկ ցերեկվա նինջը` 1-2 ժամ:

ԽՆԴԻՐ 4 – Փոքրիկը անհանգիստ է և դուք կարծում եք թե գազիկներ ունի:

Վերցրեք ձեթ կամ լոսիոն (լավ կլինի, որ օգտագործեք սովորական կամ ձիթապտղի ձեթ որ, եթե նույնիսկ նա ձեռք տա քսուկը, ապա ձեռքը տանի բերանը, անհանգստանալու կարիք չեք ունենա). Սկիզբում վերից վար երեխայի ստամոքսի ձախ կողմում (ձեր աջ) կատարեք նուրբ բայց հստակ հարվածներ, սկսելով կողերի տակից, իջեք և անցեք պորտի մակարդակին: Շոյեք վերևից վար “L” տառի պես ձեր ձախից դեպի աջ, երեխայի ամբողջ փորը: Այնուհետև, ձախից աջ, “U” տառի պես: Կրկնեք մի քանի անգամ:

ԽՆԴԻՐ 5 – Երեխան անհանգիստ է, իսկ դուք փորձել եք ամեն ինչ:

Փորձեք կետային մերսում: Դուք կարող եք հանգստացնել ձեր երեխային կիրառելով նուրբ ճնշում երեխայի ոտքի որոշ հատվածներին: Օրինակ` նրա այն հատվածները, որոնք պատասխանում են գլխի և ատամների վրա, իսկ ոտքի մեջտեղի հատվածը պատասխանում է որովայինի համար: Կրունկի հատվածը՝ կոնքի հատվածի համար:
Այնուամենայնիվ եթե ոչինչ չի հանգստացնում ձեր փոքրիկին, խորհուրդ ենք տալիս խորհրդակցել ձեր մանկաբույժի հետ, որպեսզի համոզվեք, որ ամեն ինչ լավ է: